Fasil's: A R Rahman Show , Kochi

അങ്ങനെ കാത്തിരുന്ന് ,കാത്തിരുന്ന് 2018 ൽ A R Rahman Show കേരളത്തിൽ .ഇത് രണ്ടാം തവണയാണ് A R Rahman Show കേരളത്തിൽ നടക്കാൻ പോകുന്നത് .Oscar നേടിയ ശേഷം കോഴിക്കോട് JAI HO എന്ന പേരിൽ ഒരു ഷോ നടത്തിയിരുന്നു .ഇതിപ്പോ Flowers ചാനലിന്റെ നേതൃത്വത്തിലാണ് ഈ ഷോ നടക്കുന്നത് . മെയ് മാസം പന്ത്രണ്ടാം തീയതി വൈകിട്ട് ആറു മണിക്ക് ഇരുമ്പനം മൈതാനത്തു വെച്ച് ഷോ നടക്കുമെന്ന് വാർത്ത വന്നു, ടിക്കറ്റും സംഘടിപ്പിച്ചു .

മെയ് പന്ത്രണ്ടായി.തകർപ്പൻ മഴ നടക്കുന്ന സമയം . നാല് മണിയോടെ തന്നെ ഇരുമ്പനത്തെത്തി .അപ്പോൾ തന്നെ കാൽ പാദം മൂടുന്ന നിലയിൽ വെള്ളം കിടന്ന ഗ്രൗണ്ട് .പിന്നാലെ കനത്ത മഴയുമെത്തി .മൊത്തം രണ്ടു മണിക്കൂറോളം അവിടെ നിന്ന് മഴ നനഞ്ഞു. ഷോ നടക്കും ,നടക്കില്ല എന്നൊക്കെ ആൾക്കാര് പറഞ്ഞു തുടങ്ങി .അവസാനം 'ഇസൈ പുയൽ ' വന്നു. ഈ അവസ്ഥയിൽ പരിപാടി നടക്കില്ലെന്നും ,പിന്നീട് വരുമെന്നും പറഞ്ഞു പോയി.പിനീട് അവിടെ നടന്നത് വലിയ കഥകൾ . മുഴുവൻ ചെളി നിറഞ്ഞ ഗ്രൗണ്ട് ( കണ്ടം നികത്തിയെന്നതും തടർന്നുണ്ടായ വിവാദങ്ങളും ,വിശദീകരണങ്ങളും എല്ലാം മലയാളികൾ കണ്ടതാവുമല്ലോ ) .എ ആർ റഹമാനെ കണ്ട സന്തോഷവും പരിപാടി നടക്കാഞ്ഞതിലുള്ള വിഷമവുമായി അവിടുന്ന് തിരിച്ചു .

പിന്നീട് രണ്ടാമത് ഒരറിയിപ്പു വന്നു.ജൂൺ 23 ,24 തീയതികളിലായി രണ്ടു ദിവസം എ ആർ റഹ്‌മാൻ കൊച്ചിയിൽ ,അങ്കമാലി അഡ്‌ലക്സ് കൺവെൻഷൻ സെൻറ്ററിൽ പാടുന്നെന്ന് .ഇരുപത്തിമൂന്നാം തീയതിയിൽ ഒരു എ ക്ലാസ് ടിക്കറ്റ് കിട്ടി,പോയി . അപ്പൊ ദാ വരുന്നു പോളിയിൽ കൂടെ പഠിച്ച രഞ്ജിത്തിൻറെ വിളി .നാളെ 24 നുള്ള ഷോയ്ക്ക് മൂന്ന് ടിക്കറ്റ് ഉണ്ടെന്നു ,ദീപുനെയും കൂട്ടി പിറ്റേന്നും പോരാമെന്നേറ്റ് അതും റെഡിയാക്കി അങ്ങനെ രണ്ടു ദിവസവും ഷോ കാണാനുള്ള അവസരം ഉണ്ടായി.ഷോയെക്കുറിച്ചു എഴുതിയൊപ്പിക്കാൻ പറ്റില്ല ,അത് നേരിട്ട് അറിയേണ്ടതു തന്നെയാണ് .